Friday, May 8, 2009
ശത്രുസംഹാരം
അങ്ങനെയാണ് ഒരു ശത്രുസംഹാരപൂജ നടത്താന് തീരുമാനിച്ചത് (ഇങ്ങനെയൊക്കെയാണല്ലോ കഥ തുടങ്ങുക). ചുറ്റുപാടും ശത്രുക്കള്, പിന്നില് നിന്നുള്ള കുത്തുകള്. സഹികെട്ടാണ് ഈ ബ്ലോഗ് തുടങ്ങിയത്. ഇതിലും ശത്രുക്കളുടെ വൈറസുകളുണ്ട്. ഇനിയും സഹിച്ചുനിന്നുകൂടാ. ഒരു ശത്രുസംഹാരപൂജ തന്നെ. ഞാന് ആത്മസുഹൃത്തും എഴുത്തുകാരനുമായ എളിമപുരത്തെയും കൂട്ടി കുഞ്ഞിരാമപ്പണിക്കരെ കണ്ടു. വേണ്ട സാധനങ്ങളൊക്കെ വാങ്ങി.
പൂജ തുടങ്ങുമ്പോള് ഞാന് പണിക്കരോടു ചെവിയില് പറഞ്ഞു: പൂജ ഫലിക്കുമോ. ശത്രുവിന് എന്തുസംഭവിക്കും? വെത്തിലയില് ചുണ്ണാമ്പ് തേക്കുന്നതിനിടയില് അങ്ങേയറ്റത്തെ ലാഘവത്തില് പണിക്കര്: തല പിളരും. ചാമ്പലാകും.
വീണ്ടും ഞാന് : ശത്രുവിന്റെ തല പിളരലിന് ഒരുപാടു സമയമെടുക്കുമോ?
എന്നെ ഒന്ന് അമര്ത്തിനോക്കി പണിക്കര്: പൂജ കഴിയുമ്പോഴേക്കും ഫലിക്കും.
പൂജ കഴിഞ്ഞു .
എന്റെ പണം നഷ്ടപ്പെട്ടതുപോലെ.
പണം കൊടുക്കുമ്പോള് പണിക്കരോടു മന്ത്രിച്ചു: പൂജ ഫലിച്ചില്ല. എളിമപുരം അതാ ഒന്നും സംഭവിക്കാതെ.....
പണിക്കര് ഒന്നും പറയാതെ ഭാണ്ഡവുമെടുത്തു പോയി. അപ്പോള് എന്റെ തലയ്ക്കു ചെറിയൊരു കടച്ചില്. അത് കൂടിക്കൂടി വന്നു. ഈര്ച്ചവാള് കൊണ്ട് തല ഈര്ന്നുപിളര്ക്കുന്നതു പോലെ.....
"ഈശ്വരാ.....വെള്ളം.....വെള്ളം....."
എളിമപുരം വെള്ളത്തിനായോടി.
Subscribe to:
Post Comments (Atom)
kollam.. ithu Mithunam cinemayil ninnu copy adichathaanalle... :)
ReplyDeleteshatrukkal ... amukku munnil thaneundo mashe
ReplyDelete